SUROBOYO suarajatim.my.id - Warga Kapasari, Surabaya, dikejutke kedadian motor kobong ndadak ndek tengah dalan Minggu bengi (11/5/2025). Motor Honda Blade nopol L 3637 QR kobong bareng-bareng karo kepulan asap ireng kenthel lan kobaran geni sing cepet nyelap awak kendaraan.
Saksi mata ngomong nek pengendara katon panik, langsung nyoba minggir lan mlayu nyelametke awak dewe sakdurunge geni nggedhe. Untunge ora ono korban jiwa, ning warga akeh sing podo mandeg nonton, nggawe arus lalu lintas sempat ngalami perlambatan meskipun tetep lancar.
Tim pemadam kebakaran tumindak cepet bar sakwise entuk laporan saka warga. Ora nganti suwe, petugas tekan lokasi lan berhasil mateni geni sing wis ngubengi motor, nyegah supaya ora nyambar kendaraan liane utawa fasilitas umum.
Penyebab kobongan durung bisa dipasti’ke, nanging dugaan sementara nuduhno nek ono korsleting listrik ndek bagian pengapian motor. Tim pemadam isih nglaku’no pengecekan lan ngawasi lokasi kejadian kanggo nyegah risiko tambahan.
Kejadian iki dadi pengeling-eling penting tumrap pengendara motor ben luwih waspada. Sistem kelistrikan lan pengapian kudu dicek secara rutin, apamaning nek motor wis lawas utawa sering digowo adoh.
Masyarakat diimbau ben ora mung ngandelke performa, tapi uga rutin ngerawat kendaraan. Keselamatan ndek jalan raya ora mung tanggung jawab pribadi, tapi uga kabeh pengguna jalan.
Reporter : Ihwan